វាចាពីរោះ

អាចយកឈ្នះ                 សត្រូវ             ​​​​           និងជនកាច

បានដោយសារ              អំណាច                     ពោលវាចា

ផ្អែមពីរោះ                       ទន់ភ្លន់                       ឆ្ងាញ់ពីសា

នេះតម្រា                          ​ពាក្យឆ្ងាញ់               ផ្ចាញ់មនុស្សកាច ។

ទាំងវត្ថុ                              សារពើ                     ​ លើពសុធា

ដែលជនផង                    គ្រប់គ្នា                      ប្រឹងប្រសាច

តែមិនអាច                        ឲ្យកើត                  ​   ​ដោយអំណាច

គង់តែអាច                        កើតបាន                 ដោយពាក្យផ្អែម ។

———————————————————————————

កាលបើមាន                    ភ្ញៀវចូលមក            រកអាត្មា

ចូរចរចា                            តែពាក្យផ្អែម             យ៉ាងស្រស់ស្រាយ

ការរាប់អាន                     បានយ៉ាងនេះ            ឆ្ងាញ់មាល្បាយ

លើសលប់អស់               រសទាំងឡាយ          ក្នុងផែនភព ។

ការចរចា                          ពាក្យចាក់រុក              ទុកដូចកាប់

អារត្រចៀក                     ឲ្យឈឺចាប់                 គ្មានចេះឈប់

ទាំងភឿនផង                 ​ គង់ហ្មងចិត្ត               គិតលែងគប់

ឬរកពេល                         ដែលនឹងទប់             តបវិញណា ។

ក្ដីទុក្ខទោស                     កើតព្រោះមាត់         មានសន្ធឹក

សូមរំឭក                          នឹកមើលចុះ               ​មិនខុសថា

គង់ឃើញថ្មី                     ថាសំដី                      ​​ ឆ្ងាញ់ពីសា

នាំចិន្ដា                           ​  ជនអ្នកស្ដាប់             ឲ្យចាប់ចិត្ត ។

កាលលោកជ្រាប            ភាពសំដី                   ផ្អែមនិងជូរ

ថាជាគូ                              មានទោសគុណ        ខុសគ្នាពិត

គួរនិយាយ                       តែពាក្យផ្អែម               ឲ្យទាល់ស្និត

កុំជាប់ចិត្ត                 ​​        និងពាក្យជូរ                 ជាគ្រូឡើយ ។

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s

%d bloggers like this: