Posted on ខែកក្កដា 1, 2011 by wpbinfo
ការរៀនបានផលត្រឹមតែចេះដឹង មិនហួសពីចេះដឹងទៅទៀតទេ ។ រៀនទៅចេះតែប៉ុណ្ណោះអ្នករៀនចេះដឹងហើយ ទោះក្មេងក្ដីទោះចាស់ក្ដី រមែងមាននិស្ស័យសន្ដានចិត្តទៅតាមប្រក្រតីដើម ។ អ្នកប្រមឹកនៅតែប្រមឹកដដែល ព្រោះថាអានុភាពនៃការចេះដឹង មិនអាចបន្ទន់និស្ស័យសន្ដានចិត្តនរជនដែលចេះដឹងឲ្យទោរទន់ទៅតាមការចេះដឹងដោយឯកឯងបានឡើយ ។ តែដោយការចេះដឹងនេះជាបច្ច័យ នរជនទើបប្រតិបត្តិអប់រំនិស្ស័យខ្លួនឲ្យមានចរិយាល្អបាន ។ នរជនណាចេះហើយ មិនប្រតិបត្តិអប់រំនិស្ស័យខ្លួនឲ្យមានចរិយាល្អទេ, ចរិយាអាក្រក់នៃនរជននោះ ចេញមកខាងក្រៅបង្ហាញឲ្យគេឃើញច្បាស់ បានជាគេពោលថា “ចេះដឹងហើយម្ដេចក៏នៅប្រព្រឹត្តអាក្រក់ទៀត? “ ។ វិញ្ញូជនអ្នកចេះដឹង បើឥតចរិយាល្អតើនឹងធ្វើអ្វីកើត? ដូចដាវមុននៅក្នុងស្រោម ។ ប្រទេសជាតិចម្រើនដោយសារតែពលរដ្ឋមានចរិយាល្អ ប្រទេសវិនាសក៏ព្រោះតែឥតចរិយាល្អ ។ ចរិយាល្អនេះមានតម្លៃប្រសើរបំផុត ។ ចរិយាគឺអ្វី?ការប្រព្រឹត្តទៅតាមគន្លងធម៌ ការប្រព្រឹត្តសេចក្ដីល្អទៅតាមទំនងខ្លួនជាមនុស្ស តម្កល់ខ្លួនឲ្យនៅក្នុងមនុស្សធម៌ មានកាយវាចាចិត្តស្ងប់សុភាពរៀបរយ មានមេត្តាករុណាចំពោះសត្វ ព្យាយាមរៀន ព្យាយាមធ្វើការ មានះក្នុងការងារ មានសច្ចៈក្នុងការងារ ។ល។ ទាំងអស់នេះហៅថា ចរិយា ។
ដកស្រង់ពីសៀវភៅ៤០សរសេរតាមសូត្ររបស់ រ.គោវិទ ព.ស២៤៩៩ គ.ស១៩៥៦
Filed under: ចំណេះដឹងទូទៅ | Leave a comment »
Posted on ខែមិថុនា 30, 2011 by wpbinfo
អាចចាត់ទុកថា ជាចម្ងល់មួយដែលមានមនុស្សច្រើនណាស់កំពុងរកចម្លើយមិនទាន់ឃើញថា ហេតុអ្វីនៅពេលដាក់បាត្រលោក មិនគួរពាក់ស្បែកជើង?ចម្លើយគឺៈ
១.ការមិនពាក់ស្បែកជើងខណៈពេលដាក់បាត្រលោក គឺជាកិច្ចសម្ដែងការគោរពដល់ព្រះសង្ឃ ។
២.ជាការហ្វឹកហាត់ស្មារតីក្នុងពេលដើរ ដើម្បីឲ្យប្រយ័ត្នប្រយែងក្រែងលោជាន់លើកម្ទេច ឬដុំថ្មដុំក្រួសជាច្រើន ។
៣.ជាវិន័យកម្មរបស់ភិក្ខុសង្ឃ ព្រោះក្នុងគ្រាពុទ្ធកាល ព្រះភិក្ខុសង្ឃមិនពាក់ស្បែកជើង ខណៈពេលនិមន្តចូលទីប្រជុំជន តែព្រះអង្គទ្រង់អនុញ្ញាតឲ្យពាក់ខណៈពេលនិមន្តចូលក្នុងព្រៃ ឬទីដទៃក្រៅពីភូមិស្រុក ។
ហេតុដូច្នេះហើយ ទើបក្នុងសម័យពុទ្ធកាល ព្រះភិក្ខុសង្ឃទ្រង់មិនពាក់ស្បែកជើងខណៈពេលនិមន្ដបិណ្ឌបាត្រចង្ហាន់នៅតាមភូមិស្រុក ។
ដកស្រង់ពីទស្សនាវដ្ដីខ្មែរអប្សរា
Filed under: ពុទ្ធសាសនបដិបត្តិ | 1 Comment »
Posted on ខែមិថុនា 30, 2011 by wpbinfo
អ្នកខ្លះយល់ឃើញថា៖
“បើកូនស្លាប់កុំឲ្យម៉ែឳធ្វើបុណ្យឲ្យកូន បើប្អូនស្លាប់ក៏កុំឲ្យបងធ្វើបុណ្យឲ្យប្អូនដែរ បើកំពុងមានកុំឲ្យធ្វើបុណ្យព្រោះវាឆាប់ក្រទៅវិញ ។”
សូមបញ្ជាក់ដោយខ្លីថា៖
“កូនដែលស្លាប់ទៅហ្នឹងជាកូនអ្នកណា? មិនកូនយើង។ អ្ហើយអ្នកណាចង់បាន? មិនយើង ។ អ្ហើយអ្នកណាអាណិតអាសូរវា? មិនយើង ។ អ្ហើយពេលវាងាប់ទៅអ្នកណាយំខ្លះ ? មិនយើងគឺម៉ែឳ ។ អ្ហើយបើម៉ែឳមិនធ្វើបុណ្យឲ្យទៅតើអ្នកណាធ្វើឲ្យ ព្រោះអ្នកដទៃជាបុរសស្រ្ដីដូចជាយើងជាម៉ែជាឳគេដែរ ប៉ុន្ដែគេអត់ដែលស្រលាញ់ គេទំនុកបំរុង គេស្ដាយស្រណោះអាលោះអាល័យ សូម្បីតែវាងាប់ទៅហើយ ក៏គ្មានអ្នកណាសម្រក់ទឹកភ្នែកដូចជាយើងជាម៉ែឳដែរ ។អ្ហើយបើម៉ែឳមិនធ្វើបុណ្យឲ្យវា តើអ្នកណាធ្វើបុណ្យឲ្យ ? បើគ្នាកើតទីកន្លែងដែលអត់ មិនអត់រហូតទៅហើយ ?”
ស្រង់ចាកធម្មទេសនារបស់សម្ដេចផ្ទាល់
|
|
Filed under: ពុទ្ធសាសនធម៌ | Leave a comment »
Posted on ខែមិថុនា 29, 2011 by wpbinfo